logo
Loading

MA'NAVIY-MA'RIFIY FAOLIYAT

03.04.2024

SamDU Urgut filiali direktori Quvondiq Yarashevning filial professor o'qituvchilari, xodimlari hamda talabalari bilan uchrashuvi bo'lib o'tdi

     Uchrashuvda filial direktori, direktor o'rinbosarlari, direktor maslahatchilari, bo'lim boshliqlari, dekanlar, professor-o'qituvchilar, xodimlar va sirtqi ta'lim shakli hamda kunduzgi ta'limda tahsil olayotgan talabalar ishtirok etdi.

     Ochiq va samimiy ruhda o'tgan uchrashuvni filial direktori Quvondiq Yarashev kirish so'zi bilan ochib, filialda o'qish va faoliyat yuritish uchun yaratib berilayotgan qulayliklar, shart-sharoitlar, shuningdek, endilikda amalga oshiriladigan istiqboldagi rejalar xususida so‘z yuritdi. Uchrashuv davomida professor-o'qituvchilar, xodimlar hamda talabalar o'zlarini qiziqtirgan savollarga direktor va direktor o'rinbosarlaridan atroflicha javob oldilar. Shuningdek, filial direktori tomonidan professor-o'qituvchilar, xodimlar hamda talabalarni tashabbuslari qo'llab-quvvatlanishi, ilmiy faoliyat, o'qish hamda ta’limni sifatli davom ettirish kabi intilishlarga har doim imkoniyat va ko‘mak berilishi ma’lum qilindi.

 

 

 

29.03.2024

  SamDU Urgut filialida “Intellektual haftalik” doirasida "Zakovat" oʻyinlari boʻyicha “Direktor kubogi” oʻtkazildi...

    "Zakovat" intellektual o'yinini filial direktori Quvondiq Yarashev kirish so'zi bilan ochib, jamoalarga omad tiladi va talabalarning intellektual salohiyatini, bilimini oshiradigan bunday o'yinlarni ko'paytirish, yanada ko'tarinki ruhda tashkil etish yuzasidan mas'ullarga tegishli tavsiyalar derdi.

    Filial Yoshlar ittifoqi boshlang'ich tashkiloti a'zolari bilan hamkorlikda tashkil etilgan mazkur o'yinda filial talabalaridan tarkib topgan 24 ta jamoa ishtirok etdi. Bahs-munozaralarga boy o'tgan o'yin natijalariga ko'ra:

   🥇"Dinamit" jamoasi;
   🥈"Dasturchilar" jamoasi;
   🥉"207-guruh" jamoasi egalladi.

     Eng bilimdon deb topilgan jamoalar: 1-o'rin 500 ming, 2-o'rin 400 ming, 3-o'rin 300 ming pul mukofoti va diplom bilan taqdirlandi.

 

 

 

26.03.2024

 SamDU Urgut filialida "Talaba-yoshlarni vatanparvarlik ruhida tarbiyalashda armiyaning o'rni" mavzusida davra suhbati tashkil etildi...

    Tadbirni filial direktorning yoshlar masalalari va ma'naviy-ma'rifiy ishlar bo'yicha  birinchi o'rinbosari  Zikrillo Yazdonov kirish so'zi bilan ochib, ishtirokchilarni talabalarga tanishtirdi. Davra suhbatida direktor maslahatchisi Sanjar Eshonqulov, O'zbekiston Respublikasi Kichik mutaxassislar tayyorlash markazi o'qituvchilari podpolkovnik Baxtiyor Axmedov, mayor Sanjar Nabiyev hamda talaba-yoshlar ishtirok etdi.
     Tadbirda so'z olganlar tomonidan Vatanimiz sarhadlari daxlsizligini saqlashda nafaqat armiya, har bir yuragida o'ti bor fuqaroning ham burchi ekanligi to'g'risida tushunchalar berildi. Talabalar o'zlarini qiziqtirgan savollariga javob olishdi. Tadbir davomida filial "Qalqon" jamoatchilik guruhi a'zolari bilan suhbat o'tkazilib, tegishli taklif va tavsiyalar berildi.

 

 

 

 

25.03.2024

  SamDU Urgut filialining xodim va professor-oʻqituvchilaridan iborat jamoa Urgut tumanidagi diqqatga sazovor maskanlarga sayohat qilishdi...

      "O'zbekiston bo'ylab sayohat qil!” dasturi doirasida filial xodim va professor-oʻqituvchilari tumandagi diqqatga sazovor joylar,  ziyoratgohlar va  dam olish maskanlariga tashrif buyurib, u yerdagi tabiat manzaralaridan bahramand bo‘lishdi. Xususan, sayohatchilar Urgut tumanida joylashgan so’lim go‘shalardan biri Qoratepa tog’lariga sayohat qilishdi. Bu maskanning go‘zal va betakror tabiat manzaralarini tomosha qilish kishiga o‘zgacha zavq bag‘ishlaydi. Qadimiy Buyuk ipak yo‘li o‘tgan tepaliklar, “Zarafshon” tizma tog‘lari etagidagi ulkan toshlar, o‘tmish madaniyatini eslatib turuvchi manzaralar xayolotingizni ertaklar olamiga chorlaydi. Shu tomonlarga yo‘lingiz tushganda, ayniqsa, “Teshiktosh” deya ataluvchi g‘aroyib qoya poyida suratga tushmay qaytmaysiz. 
        Shu o'rinda aytish mumkin-ki, “Teshiktosh”ning sirliligi nimada? Avvalo u tabiat mo‘jizasi. Eroziya va shamollar ta’sirida toshdan go‘zal va maftunkor san’at asari bunyod bo‘lgan. Ya’ni, unga inson tomonidan ishlov berilmagan. Kimdir bu toshni ikki ulkan dinozavrning to‘qnashib turgan boshiga o‘xshatsa, yana kimdir inson yuragiga mengzaydi. Ma’lum bo‘lishicha, bunday toshlarni dunyoning bir necha davlatlaridagina ko‘rish mumkin ekan. Bu tosh o‘zining tuzilishi, hajmi, vazni bilan yer yuzidagi boshqa mashhur toshlardan farqlanadi. Ayrim manbalar bu salobatli toshning yoshi 2,5 million yildan ziyod ekanidan xabar beradi.
Jahonning turli burchaklaridan Samarqandga kelayotgan sayyohlarning aksariyati Urgutdagi ushbu tabiat mo‘jizasini ham ko‘rish istagini bildiradi. Boisi, ekoturizm va etnoturizm imkoniyatlari aynan “Teshiktosh”da mujassam.
         Yuqorida sayohat ishqibozlarining istagi haqida bejiz to‘xtalmadik. Chindan ham ularning “Teshiktosh”ga qiziqishi oshib borayotganini bu yerga tashrif buyuruvchilar safi kengayayotganidan ko‘rishimiz mumkin. Bu esa ular uchun sharoit va qulayliklarni yanada yaxshilash zaruratini yuzaga keltiradi. Shu maqsadda ayni paytda O‘zbekiston madaniy merosi ro‘yxatiga kiritilgan obidani asrab-avaylash va uning turistik imkoniyatlaridan foydalanishni kengaytirishga qaratilgan ishlar olib borilmoqda.
        Qadimiy tabiat yodgorligi yon-atrofida, 55 gektar maydonda “Teshiktosh” sayyohlik maskani yaratildi. Bu yerda sayyohlar uchun mehmon uylari va o‘tovlar tiklanmoqda. Maskanni haqiqiy dam olish markaziga aylantirish uchun qator loyihalar amalga oshirilyapti. Masalan, hududda minglab tup pista va bodom ko‘chatlari ekib parvarishlanmoqda. Shuningdek, plyaj, yangi mehmonxonalar, attraksionli istirohat bog‘i tashkil etish  ko‘zda tutilgan. Turistlar otda sayr qilib, echki va tuya sutidan totib ko‘rishlari ham mumkin bo'ladi.


 

       

20.03.2024

  SamDU Urgut filialida  para-dzyudo bo‘yicha IBSA xalqaro gran-pri turniri oltin medal sohibasi Uljon Amriyeva bilan davra suhbati tashkil etildi...

      Davra suhbatini filial direktori Quvondiq Yarashev kirish so'zi bilan ochib, Uljon Amriyevani tarixiy natija qayd etib, o'zbekistonlik para-dzyudochilar tomonidan gran-pri turnirlarida qo'lga kiritilgan ilk oltin medal sohibasi bo'lganligi  bilan tabrikladi.

      Samimiy ruhda o'tgan davra suhbatida sportchi erishgan natijalari, kelgusida ko'zlagan maqsadlari haqida so'zlab: "Agar inson chin sitqidildan harakat qilsa, albatta, ko'zlagan maqsadiga yetadi",- deb e'tirof etdi. Suhbati davomida talabalar o'zlarini qiziqtirgan savollarga javob olishdi.

 

 

05.03.2024

SamDU Urgut filialida  8-mart–Xalqaro xotin-qizlar bayrami kuni munosabati bilan birinchi bosqich talaba-qizlar o'rtasida "Yetti go'zal" ko'rik tanlovi tashkil etildi

   Tanlovda talaba-qizlar quyidagi to'rtta shart bo'yicha bellashdilar:
    🔹O'zini she'riy tarzda tanishtirib, bayram munosabati bilan onalarga tabrik yo'llash;
    🔹Tezkor savol-javob;
    🔹Pazandalik mahorati;
    🔹Erkin mavzular yuzasidan o'z mahoratlarini namoyish qilishdi.

    Bayramona, ko'tarinki ruhda o'tgan tanlov natijalariga ko'ra:
    🔹Birinchi o'rinni Mamatqulova Mushtariy;
    🔹Ikkinchi o'rinni Usmonova Umida;
    🔹Uchinchi o'rinni esa Joniqulova Gulsanam va Shodiyorova Farangizlar egalladi.

    Tanlovda o'rin olgan talabalar va  boshqa ishtirokchilar ham tanlovning turi nominatsiyalari bo'yicha g'olib deb topilib, munosib taqdirlandilar.

 

21.02.2024

SamDU Urgut filialida O'zbekiston yoshlar ittifoqi Markaziy Kengashi raisi  Temurbek Poyonov boshchiligida “Yangi O'zbekiston yoshlari-kelajagimiz va istiqbolimiz poydevori” shiori ostida yoshlar bilan ochiq muloqot bo'lib o'tdi

    Uchrashuvda Urgut tuman hokimi Botir Jabborov, SamDU Yoshlar masalalari va ma’naviy-ma’rifiy ishlar bo‘yicha birinchi prorektori Rustam Yo'ldoshev va "Shuhrat" medali sohibi, faol tadbirkor Majidxon Islomovlar ishtirok etdi. Ochiq muloqotda yoshlarning bilim olishlari, o'z innovatsion loyihalarini amolga oshirishlari uchun yaratilgan keng imkoniyatlar haqida to'xtalib, yoshlarning bunday tashabbuslari har doim qo'llab-quvvatlanishi ta'kidlandi. Samimiy va ko'tarinki ruhda o'tgan uchrashuvda  talaba-yoshlar o’z takliflarini bildirib, o'zlarini qiziqtirgan savollarga javob olishdi.

 

 

 

06.02.2024

 SamDU Urgut filialida  “Yoshlar orasida giyohvandlik vositalari va psixotrop moddalar tarqatilishining oldini olish” profilaktika oyligi doirasida "Har xil jinoyatchilik va huquqbuzarliklarni oldini olish profilaktikasi" tadbiri tashkil etildi...

     Tadbirni Yoshlar masalalari va ma'naviy - ma'rifiy ishlar bo'yicha direktorning birinchi o'rinbosari Zikrillo Yazdonov kirish so'zi bilan ochib tadbir ishtirokchilarini talabalarga tanishtirdi. Tadbirda direktor maslahatchisi Sanjar Eshonqulov, Urgut tuman milliy gvardiya katta inspektori, mayor Ravshan Jo'rayevlar tomonidan talaba-yoshlarni barcha jinoyatchilik va huquqbuzarliklarni asosiy omili bo'lgan giyohvandlik, firibgarlik va kiberjinoyat kabi salbiy holatlardan ogoh bo'lish va bunday illatlardan uzoq bo'lishga da'vat etildi va mazkur salbiy illatlar va ularning og'ir oqibatlari haqida talabalarga ma'lumotlar berildi.

 

 

 

01.02.2024

        Joriy yilning 01-fevral kuni Sharof Rashidov nomidagi Samarqand davlat universiteti Urgut filialida talabalarning bo‘sh vaqtlarini mazmunli tashkil etishga qaratilgan  tadbir o‘tkazildi.

        Sharof Rashidov nomidagi Samarqand davlat universiteti Urgut filialida “Giyohvandlik”, “Firibgarlik” va “Kiberjinoyatchilik”ka qarshi kurash mavzusida davra suhbati bo‘lib o‘tdi

Tadbirda so‘zga chiqganlar: Talabalar orasida ijtimoiy-ma’naviy muhit barqarorligini ta’minlashga mas’ul direktor maslahatchisi – S.Eshonqulov; Yoshlar bilan ishlash, ma’naviyat va ma’rifat bo‘limi boshlig‘i N.Jo‘rayev; Urgut tumani IIB Tergov bo‘limi tergovchisi– M.Ro‘ziqulov; Fakultetlar dekan o‘rinbosarlari, universitet professor-o‘qituvchilari, fakultet tyutorlari hamda 200 nafar talabalar ishtirok etishdi.

        Tadbirdan ko‘zlangan asosiy maqsad “Giyohvandlik”, “Firibgarlik” va “Kiberjinoyatchilik” to‘g‘risida talaba yoshlarga ma’lumotlar berildi va shu kabi salbiy illatlar oqibatlari haqida ogohlantirildi.

 

 

22.01.2024

 

SamDU Urgut filialida Yozuvchilar uyushmasi a'zosi Qayum Sobirov bilan adabiy-ijodiy uchrashuv bo'lib o'tdi.

         Uchrashuvni SamDU Urgut filiali direktori Quvondiq Yarashev kirish so'zi bilan ochib, tadbir mehmonlarini  tanishtirdi va ularga tashrif uchun minnatdorlik bildirdi.

         Uchrashuvda yozuvchi Qayum Sobirov badiiy adabiyotning yoshlarni kamol topishida, milliy o'zligimiz, qadimiy an'analarimizni kelajak avlodlarga yetkazishdagi muhim ma'naviy ahamiyati to'g'risida so'z yuritdi. Tadbirda so'z olgan Urgut tumani Nuroniylar jamoatchilik kengashi raisi Farmon Azizov, "Jomboy tongi" gezetasi muharriri Isomiddin Po'latov va filial kengashi kotibi, dotsent Akbar Asrorovlar yozuvchi ijodining o'ziga xos xususiyatlari va tarbiyaviy ahamiyati haqida o'z fikr-mulohazalarini bildirishdi Talabalar o'zlari sevib o'qiydigan "Otamning izlari", "Yolg‘izoyoq yo‘l" va "O‘zlikni izlab" kabi Qayum Sobirov qalamiga mansub asarlar haqida va umuman adabiyot, adabiy dunyoqarash haqidagi o'zlarini qiziqtirgan savollarga muallifning o'zidan atroflicha javob oldilar.

         Uchrashuv so'ngida Qayum Sobirov yaqinda chop etilgan "Ildiz" nomli asari va boshqa kitoblaridan talabalarga sovg'a qildi. Adabiy-ijodiy uchrashuv qizg'in savol-javoblar asnosida ko'tarinki ruhda o'tdi.

 

20.01.2024

        SamDU Urgut filiali fakultetlaridagi ma’naviy-ma’rifiy va tarbiyaviy ishlarga mas’ullarning faoliyatini baholash maqsadida dekan oʻrinbosarlari hamda fakultetlar tyutorlarining hisoboti tinglandi.

        Hisobotda dekan oʻrinbosarlarining ish faoliyati samaradorligini (KPI) baholash hamda tyutorlarning 2023-2024 oʻquv yilining sentyabr, oktyabr, noyabr va dekabr oylaridagi ish faoliyatini samarali tashkil etishdagi muammolar, ularni bartaraf etish choralari hamda faoliyatni takomillashtirishga doir hisobotilari tinglandi.

Shuningdek, tyutorlar tomonidan ma’naviy-ma’rifiy tadbirlar, talabalar ijara xonadonlari, tarbiyaviy, oʻquv-uslubiy, fan-innovatsiya, 5 muhim tashabbus, individual ta’lim va tarbiya sohalaridagi faoliyati oʻrganildi.

        Yoshlar masalalari va ma’naviy-ma’rifiy ishlar boʻyicha direktorning birinchi o'rinbosari Zikrillo Yazdonov, Ilmiy ishlar va innovatsiyalar bo‘yicha direktor o‘rinbosari Dilmurod Mardonov hamda Talabalar orasida ijtimoiy-ma’naviy muhit barqarorligini ta’minlashga mas’ul bo’lgan direktor maslahatchisi Sanjar Eshonqulovlar tomonidan taklif va fikr-mulohazalar bildirildi.

 

                                      18.01.2024     

   Oliy ta’lim, fan va innovatsiyalar vazirining 2023-yil 9-avgustdagi 351-sonli buyrug‘i bilan tasdiqlangan “Oliy ta’lim muassasalarida 2023/2024-o‘quv yili davomida o‘tkaziladigan tadbirlar” kalendar rejasi 29-bandi ijrosini ta’minlash maqsadida Samarqand davlat universiteti Urgut filialida joriy yilning 18-yanvar kuni ayol professor-о‘qituvchilar va  talabalar o‘rtasida filialning ichki imkoniyatlaridan kelib chiqib, ochiq osmon ostida “Rassomchilik ko‘rgazmasi” tashkil etildi.

         Ko‘rgazmada ijodkor talabalar o‘z ijodiy ishlarini ochiq osmon ostida yaratish jarayonlari yig‘ilganlarga qiziqish va yuqori kayfiyat ulashdi.

 

          O‘zbekiston yoshlar ittifoqi Samarqand viloyat Kengashi (https://t.me/samarqand_yi/341) hamda Sharof Rashidov nomidagi Samarqand davlat universiteti Urgut filiali bilan hamkorlikda  “Oliy taʼlimdan umumtaʼlim maktablariga uslubiy ko‘mak karvoni” loyihasi doirasida Urgut tumanidagi 28-umumtaʼlim maktabida “Bir bolaga-bir kitob” aksiyasi tashkil etildi.

          Aksiya doirasida maktab o‘quvchilari hamda universitet talabalari ishtirokida turli  sport musobaqalari, hamda madaniy-maʼrifiy tadbirlar o‘tkazildi.

 

 

          Joriy yilning 16-yanvar kuni Yoshlar masalalari ma‘naviy-ma‘rifiy ishlar bo‘yicha direktorning birinchi o‘rinbosari Z.Sh.Yazdonov, talabalar orasida ijtimoiy-ma’naviy muhit barqarorligini ta’minlashga mas’ul direktor maslahatchisi S.Eshonqulov hamda filialga biriktirilga profilaktika inspektori ishtirokida “Giyohvandlik asr vabosi” mavzusida davra suhbati bo‘lib o‘tdi.

         Tadbir davomida giyohvandlik va giyohvand moddalar, narkotik, psixotrop vositalar haqida ma’lumotlar berib, giyohvand moddalar  ta’siriga tushib qolish omillari, jarayonlari hamda oqibatlari haqida tushunchalar berib o‘tildi. Davra suhbati davomida talabalar o‘zlarini qiziqtirgan savollariga javoblar olishdi.

 

So'nggi yangiliklar