SamDU Urgut filialida "Men Malalaman" kitobi mutolaasi o'tkazildi...
Iyun 16, 2023 / Ko'rildi 1029
SamDU Urgut filialida "Men Malalaman" kitobi mutolaasi o'tkazildi...
SamDU Urgut filiali xotin-qizlar maslahati kengashi raisi, direktor maslahatchisi Gullola Najmiyeva tashabbusi bilan talaba-qizlar oʻrtasida Malala Yusufzoyning Nobel mukofotiga sazovor boʻlgan asari “Men Malalaman .Tik turib taʼlim olgan va Tolibonlar tomonidan xoʻrlangan qizaloq” nomli kitobining mutolaasiga bagʻishlangan tadbir oʻtkazildi.
Tadbirda "Gumanitar fanlar" kafedrasi mudiri, dotsent Nafisa Jalilova so'zga chiqib, asarda adiba tomonidan yoritib berilgan xotin-qizlarning zoʻravonlik va tahdidlar ostidagi achinarli hayoti toʻgʻrisidagi voqealar, Malala Yusufzoyning dovyurakligi, sabrliligi, maqsad sari intiluvchanligi, qiyinchiliklarga bardoshliligi haqida talaba-qizlarga ma'lumot berdi.
Kitob mutolaasi tadbir ishtirokchilarida bugungi tinch-osuda hamda inson va xotin-qizlar haq-huquqlari kafolatlangan, shart-sharoitlar, imkoniyatlar yaratilgan, erkin va farovon hayotimiz uchun shukronalik hissini yanada kuchaytirdi.
SamDU Urgut filiali
Axborot xizmati